Friday, March 23, 2007

طريقة عمل الكوسة بالمهلبية

الموضوع قديم و كنت كتبته قبل كده فى مدونة حواديت باسم نصائح تغيظ بس حبيت اجيبه هنا علشان اقدم شوية نصايح مفيدة لرفع ضغط الدم و حرقه
و خدوا الموضوع ده على بال ما احضر للمواضيع التانية
ايوة صح العنوان كده فعلا نصائح تغيظ
كل الناس قالوا اكيد ان انا هأقول نصائح لناس تانية غايظانى
لأ مش كده أنا هأقول نصائح ليكم من عندى و النصائح دى علشان تغيظو الناس اللى بيزورا مدوناتكم و يمكن تقدروا تطفشوهم
النصيحة الاولى
علشان تعمى الغلبان اللى جاى يزورك اتعمد انك تختار الوان غامقة سودة مثلا و اكتب بلون غامق زى اللون البنفسجى او اللون الازرق
النصيحة التانية
اختار اصغر بنط تقدر عليه او اختار اكبر بنط لغاية ما الكلام يدخل فى بعضه
التالتة
كتر من الصور فى مدونتك لأنها اسهل وسيلة علشان تخلى الموقع يفتح ببطء يشل اللى امه دعت عليه و دخل عندك
الرابعة
طريقة تانية بجانب الصور لتبطئ الموقع انك تكتر من اكواد الجافا و خصوصا الاكواد اللى بتغير شكل الماوس و الاكواد اللى بتحطلك فراشة طايرة فى موقعك
الخامسة
يا سلام تعمل اعلانات كتير علشان تتوه السادة الزائرين و ما ياخدوش بالهم من مواضيعك اساسا و بالذات الاعلانات اللى بتفتح فى شاشة لوحدها
السادسة
احسن حاجة تعملها تبطألك الموقع و تغيظ اللى دخله انك تحط خلفية صوتية لمدونتك و يا ريت تعيد نفسها تلقائيا
السابعة
تخلى صفحة التعليقات تفتح فى شاشة مستقلة علشان تكتر للزبون الشاشات المفتوحة فى جهازه يمكن جهازه يهنج و الا حاجة
التامنة
تحط صورة مستفزة فى البروفايل بتاعك و يا سلام بقى تبقى غتت و الا دمك تقيل علشان تكملها
التاسعة
.......................
.......................
.......................
.......................
النصيحة العاشرة
ما تسألنيش عن التاسعة

31 comments:

ذو النون المصري said...

ايه يا عم خالد
انت فيه حد زعلك انهارده و للا ايه
انا متاسف علي اني تاخرت كتير في متابعة المدونه خصوصا ان السؤال كان سؤالي انا
اصل المدونه كان فيها حاجه اسمها
google account
جديد و عمل معايا مشكله فمكانش عندي استطاعه اني ادخل اعلق علي بعض المدونات
و كمان مكنش فيه فرصه اغير و اطور المدونه حسب شرحك
تحياتي

BaSsMa said...

ايه يامستر خالد
انت كده حتقطع رزقك بايدك
هي الناس جاية تتعلم منك ايه
غير كل لي انت ذكرته
:D

ياريت تحطلنا كود للي عاوز يعمل قائمة لينكات للناس للي عندهم اصدار قديم من المدونة
انا بقيت احب الأكواد جدا
:D

رفقه عمر said...

فعلا معلوماتك مفيدة لان فعلا فى مدونات بتكون خلفيتها غامقه وبتوجع عينى ومدونات بزهق فعلا لانى مش عارفه ادخلها
التلميذه تسال استاذها ايه فى المدونه عندى غلط ولازم اشيله بس ياريت بعيد عن الصور لانى بستمتع بوضع الصور
شكرا بجد من غير مجامله على المعلومات دى فعلا انا مش هاتيفه والله

khaled said...

ذو النون
حمد الله ع السلامة يا راجل
خلاص يللا نبتدى
اعل اللينك بقى
:)

khaled said...

بسمة
هو فيه حد يقطع رزقه بايده
هههههههههه
موضوع اللينكات ان شاء الله هاعمله
تابعينى

khaled said...

رفقة عمر
ربنا يخليكى
بالنسبة لمدونتك و بعيد عن الصور
:)
فانصحك بالغاء المقطع الصوتى فيها
لانه مبطأ المدونة جدا
و موضوع الصورة انصحك بقراءة المواضيع الاتية

دقة الصورة و عدد النقاط المستخدمة
و استخدام الفوتوشوب

لتجنب بطئ المدونة بسببهم

khaled said...

رفقة
معلش
فيه حاجة تانية
وهى موضوع السناب
snap
كل ما الواحد يشاور على لينك يقوم يطلعله
ده برضه بيبطأ جامد

عاشقة الوطن said...

ايه ياعم خالد النصائح اللى تحرق الدم ديه
احنا كده نبقي ضمنا اننا هنطفش الزوار يعنى هنطفشهم

جميل ياخالد بس ابقي قابلنى لو مشينا ورا نصايحك اللى تغيظ
ههههههههههههه

تحياتى

Mohamed A. Ghaffar said...

التاسعه اتفق مع صحابك يبعتلوك وصلات مدح فى كل ما تكتبه

خمسة فضفضة said...

السلام عليكم

شكرا علي النصايح اللي تودي ورا الشمس ..هههههه

khaled said...

عاشقة الوطن
ابقى قابلينى انا لو نفعتك النصايح دى
هههههههههههههه

khaled said...

محمد عبد الغفار
بس ما تقولش لحد
:)

khaled said...

خمسة فضفضة
و عليكم السلام و رحمة الله و بركاته
طب مش تقوليلى هاتروحى امتى
:)

الأباصيرى said...

شكلك بتلئح عليا فى موضوع صورة البروفايل


ثوانى أجيب الطبنجة من التلاجة وأجى أطخك عيارين

khaled said...

طيب ما تتأخرش علشان عاوز انام بدرى

الأباصيرى said...

نوم نهائى وأنت الصادق

طرااااااااخ

موتى ياخاينة
والله ماخنتك يامحمود
أمال الراجل اللى فى الدولاب دة مين
دة بيصلح السخان ياروحى


أة كدة معلش
إن بعض الظن إثم

khaled said...

شفت يا ظالم كنت هاتظلمها ازاى
هات المسدس و اخزى الشيطان
لا
بأقلك اخزيه مش غزه
طاااااااااااخ
احسن

الأباصيرى said...

بأقلك اخزيه مش غزه
هاهاها


شكلنا احنا الأتنين مهيسين على الأخر

khaled said...

مساء الخيييييييييييييييييير

karamella said...

السلام عليكم
ايه يا باشا النصايح الجامده قوي دي والله مدونتك دي اخر جنان
قصدي يعني تجنن تهبل
تحفه
انا ببعت لينكها لصحابي
ايه الحلاوه دي

khaled said...

كراملة
يا رب يخليكى
كووووول ده علشانى؟
و كمان بتبعتى اللينك بتاعى لصحابك؟
ده كفاية عليا نورك اللى مشرفانى بيه

إنـســانة said...

احم احم
هو انا كنت متبعة معظم النصايح دى تقريبا

الدونة غامقة ولا زالت ( بتعبر عنى ) وكنت حاطة تلات اناشيد وبيتعادوا لوحدهم وكنت مخلية المواضيع كلها تبان فى اول صفحة

عايزة اقولك ان المدونة كانت بتشلينى انا شخصيا وكنت بخاف ادخلها اساسا

بس الحمد لله دلوقتى مافيش اغانى خالص
وخليت يبان 10 مواضيع بس فى كل صفحة

وبقت خفييييييييييفةةةةةةةة خااااااااااااااااالص بشهادة الجميييييييع

:D:D:D

عشان كاميكاز ينبسط بس

تطبيقات said...

.....
NO Comment

اخبار سياسية said...

hhahahahahah
بيقولوا اذا قدر على الاذى فلا تفعل ...
وحضرتك بطبق العكس
اذا قدرت على الاذى ففعل ... !!

Räumung wien said...

شكراً لكم ع الموضوعات المتنوعة ...

Wohnungsräumung Wien said...

الله يوفقكم ... :) اتمنى عرض المزيد من الموضوعات

Wohnungsräumung
Wohnungsräumung Wien

entrümpelung wien said...

شكرا لكم .. دائما موفقين ..::))


entrümpelung
entrümpelung
entrümpelung wien

umzug said...

:)) ... شكرا لكم .. دائما موفقين

umzug
umzug wien
umzug wien

ريوبى said...

موضوع ممتاز
ryobi

Wohnungsräumung said...

شكرا على الموضوع المتميز
Dank Thema Wohnungsräumung

Mohamad Keshk said...


جامعة المدينة العالمية
http://www.mediu.edu.my/ar/
مجمع

مجلة جامعة المدينة العالمية المحكمة
http://magazine.mediu.edu.my/?page_id=94

بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين سيدنا وحبيبنا المصطفى محمد وعلى أله الأطهار وأصحابه الكرام أجمعين وعلى التابعين وتابع التابعين ومن تبعهم بإحسان إلى يوم الدين وبعد:
من منن العزيز الحكيم على خلقه أن اصطفاهم بالحكمة، وبأن فتح أمامهم أسرار العلوم وسنن المعارف لينتفعوا وينفعوا. ونحمد الله عل وجلى أنه من بين منْ حباهم بمنة العلوم والمعارف جامعة المدينة العالمية، فتمثلت هذه المنة الطيبة المباركة بمجلة الجامعة (مجمع) الدولية المحكمة، التي أرادها لها العزيز الحكيم أن تكون بابا يلجه كل طالب عالم وباحث معرفة. كما هيأ لهذه المجلة نخبة من الباحثين والأكاديميين ممن أخذوا العهد على أنفسهم في بذل أقصى الجهد تحقيقا لكل ما تبغيه وتسعى إليه الجامعة ومجلتها من أهداف ومهام لخدمة الانسانية دون تمييز في اعرق أو لون.
من المنطلق أعلاه ندعوا بصدق نية كل من لديه الرغبة الخالصة في يجعل مجلة جامعة المدينة العالمية قاربه الذي يسري به في بحر المعارف والعلوم أن لا يتردد في الكتابة إليها، وسوف يجد من هيئة تحريرها كل العون والمساعدة شريطة الالتزام بأهدافها التي قامت عليها وشريطة التوافق مع مبادئها التي التزمت بها. ويقينا بإذن الله تعالى سيجد الباحث فيها كاتبا كان أو قارئا وسيلة راقية وفاعلة في دعم مسيرة الانسان الحضارية لتحقيق خلافة الانسان في هذا الكون واعماره بما شاء له خالقه وباريه عز وجل.
إليكم رابط ضوابط النشر في المجلة:
http://magazine.mediu.edu.my/?page_id=91
استمارة النشر:
http://magazine.mediu.edu.my/?page_id=120
انضم إلى قائمة المحكمين
http://magazine.mediu.edu.my/?page_id=914


مع تحيات/
مجمع

مجلة جامعة المدينة العالمية المحكمة
http://magazine.mediu.edu.my/?page_id=94