الموضوع قديم و كنت كتبته قبل كده فى مدونة حواديت باسم نصائح تغيظ بس حبيت اجيبه هنا علشان اقدم شوية نصايح مفيدة لرفع ضغط الدم و حرقه
و خدوا الموضوع ده على بال ما احضر للمواضيع التانية
ايوة صح العنوان كده فعلا نصائح تغيظ
كل الناس قالوا اكيد ان انا هأقول نصائح لناس تانية غايظانى
لأ مش كده أنا هأقول نصائح ليكم من عندى و النصائح دى علشان تغيظو الناس اللى بيزورا مدوناتكم و يمكن تقدروا تطفشوهم
النصيحة الاولى
علشان تعمى الغلبان اللى جاى يزورك اتعمد انك تختار الوان غامقة سودة مثلا و اكتب بلون غامق زى اللون البنفسجى او اللون الازرق
النصيحة التانية
اختار اصغر بنط تقدر عليه او اختار اكبر بنط لغاية ما الكلام يدخل فى بعضه
التالتة
كتر من الصور فى مدونتك لأنها اسهل وسيلة علشان تخلى الموقع يفتح ببطء يشل اللى امه دعت عليه و دخل عندك
الرابعة
طريقة تانية بجانب الصور لتبطئ الموقع انك تكتر من اكواد الجافا و خصوصا الاكواد اللى بتغير شكل الماوس و الاكواد اللى بتحطلك فراشة طايرة فى موقعك
الخامسة
يا سلام تعمل اعلانات كتير علشان تتوه السادة الزائرين و ما ياخدوش بالهم من مواضيعك اساسا و بالذات الاعلانات اللى بتفتح فى شاشة لوحدها
السادسة
احسن حاجة تعملها تبطألك الموقع و تغيظ اللى دخله انك تحط خلفية صوتية لمدونتك و يا ريت تعيد نفسها تلقائيا
السابعة
تخلى صفحة التعليقات تفتح فى شاشة مستقلة علشان تكتر للزبون الشاشات المفتوحة فى جهازه يمكن جهازه يهنج و الا حاجة
التامنة
تحط صورة مستفزة فى البروفايل بتاعك و يا سلام بقى تبقى غتت و الا دمك تقيل علشان تكملها
التاسعة
.......................
.......................
.......................
.......................
النصيحة العاشرة
ما تسألنيش عن التاسعة
27 comments:
ايه يا عم خالد
انت فيه حد زعلك انهارده و للا ايه
انا متاسف علي اني تاخرت كتير في متابعة المدونه خصوصا ان السؤال كان سؤالي انا
اصل المدونه كان فيها حاجه اسمها
google account
جديد و عمل معايا مشكله فمكانش عندي استطاعه اني ادخل اعلق علي بعض المدونات
و كمان مكنش فيه فرصه اغير و اطور المدونه حسب شرحك
تحياتي
ايه يامستر خالد
انت كده حتقطع رزقك بايدك
هي الناس جاية تتعلم منك ايه
غير كل لي انت ذكرته
:D
ياريت تحطلنا كود للي عاوز يعمل قائمة لينكات للناس للي عندهم اصدار قديم من المدونة
انا بقيت احب الأكواد جدا
:D
فعلا معلوماتك مفيدة لان فعلا فى مدونات بتكون خلفيتها غامقه وبتوجع عينى ومدونات بزهق فعلا لانى مش عارفه ادخلها
التلميذه تسال استاذها ايه فى المدونه عندى غلط ولازم اشيله بس ياريت بعيد عن الصور لانى بستمتع بوضع الصور
شكرا بجد من غير مجامله على المعلومات دى فعلا انا مش هاتيفه والله
ذو النون
حمد الله ع السلامة يا راجل
خلاص يللا نبتدى
اعل اللينك بقى
:)
بسمة
هو فيه حد يقطع رزقه بايده
هههههههههه
موضوع اللينكات ان شاء الله هاعمله
تابعينى
رفقة عمر
ربنا يخليكى
بالنسبة لمدونتك و بعيد عن الصور
:)
فانصحك بالغاء المقطع الصوتى فيها
لانه مبطأ المدونة جدا
و موضوع الصورة انصحك بقراءة المواضيع الاتية
دقة الصورة و عدد النقاط المستخدمة
و استخدام الفوتوشوب
لتجنب بطئ المدونة بسببهم
رفقة
معلش
فيه حاجة تانية
وهى موضوع السناب
snap
كل ما الواحد يشاور على لينك يقوم يطلعله
ده برضه بيبطأ جامد
ايه ياعم خالد النصائح اللى تحرق الدم ديه
احنا كده نبقي ضمنا اننا هنطفش الزوار يعنى هنطفشهم
جميل ياخالد بس ابقي قابلنى لو مشينا ورا نصايحك اللى تغيظ
ههههههههههههه
تحياتى
التاسعه اتفق مع صحابك يبعتلوك وصلات مدح فى كل ما تكتبه
السلام عليكم
شكرا علي النصايح اللي تودي ورا الشمس ..هههههه
عاشقة الوطن
ابقى قابلينى انا لو نفعتك النصايح دى
هههههههههههههه
محمد عبد الغفار
بس ما تقولش لحد
:)
خمسة فضفضة
و عليكم السلام و رحمة الله و بركاته
طب مش تقوليلى هاتروحى امتى
:)
شكلك بتلئح عليا فى موضوع صورة البروفايل
ثوانى أجيب الطبنجة من التلاجة وأجى أطخك عيارين
طيب ما تتأخرش علشان عاوز انام بدرى
نوم نهائى وأنت الصادق
طرااااااااخ
موتى ياخاينة
والله ماخنتك يامحمود
أمال الراجل اللى فى الدولاب دة مين
دة بيصلح السخان ياروحى
أة كدة معلش
إن بعض الظن إثم
شفت يا ظالم كنت هاتظلمها ازاى
هات المسدس و اخزى الشيطان
لا
بأقلك اخزيه مش غزه
طاااااااااااخ
احسن
بأقلك اخزيه مش غزه
هاهاها
شكلنا احنا الأتنين مهيسين على الأخر
مساء الخيييييييييييييييييير
السلام عليكم
ايه يا باشا النصايح الجامده قوي دي والله مدونتك دي اخر جنان
قصدي يعني تجنن تهبل
تحفه
انا ببعت لينكها لصحابي
ايه الحلاوه دي
كراملة
يا رب يخليكى
كووووول ده علشانى؟
و كمان بتبعتى اللينك بتاعى لصحابك؟
ده كفاية عليا نورك اللى مشرفانى بيه
احم احم
هو انا كنت متبعة معظم النصايح دى تقريبا
الدونة غامقة ولا زالت ( بتعبر عنى ) وكنت حاطة تلات اناشيد وبيتعادوا لوحدهم وكنت مخلية المواضيع كلها تبان فى اول صفحة
عايزة اقولك ان المدونة كانت بتشلينى انا شخصيا وكنت بخاف ادخلها اساسا
بس الحمد لله دلوقتى مافيش اغانى خالص
وخليت يبان 10 مواضيع بس فى كل صفحة
وبقت خفييييييييييفةةةةةةةة خااااااااااااااااالص بشهادة الجميييييييع
:D:D:D
عشان كاميكاز ينبسط بس
.....
NO Comment
hhahahahahah
بيقولوا اذا قدر على الاذى فلا تفعل ...
وحضرتك بطبق العكس
اذا قدرت على الاذى ففعل ... !!
شكراً لكم ع الموضوعات المتنوعة ...
الله يوفقكم ... :) اتمنى عرض المزيد من الموضوعات
Wohnungsräumung
Wohnungsräumung Wien
:)) ... شكرا لكم .. دائما موفقين
umzug
umzug wien
umzug wien
Post a Comment